Seminariu d'Estudios Belenos

PROGRAMA DEL IX SEMINARIU D’ESTUDIOS ASTURIANOS DE LA FUNDACIÓN BELENOS
          “El paisaxe asturianu: evolución y tresformación d’un padremuñu singular”

Temática | Programa | Inscripciones | Contautu

L’obxetivu d’estos seminarios será ufiertar averamientos rigurosos a desemeyaos aspectos de la cultura, la hestoria, la xeografía o la etnografía asturiana.
Pa ello, la Fundación Belenos organizará anualmente estos eventos, abiertos al públicu interesáu, y cuntando cola participación d’espertos en cada una de les materies a tratar.

Esti  Novenu Seminariu tará dedicáu monográficamente a El paisaxe asturianu, o cómo la hestoria escribe la tierra , onde s’apurrirá una visión xeneral de la cuestión, y, asinamesmo, afondaráse na trescendencia que los cambios de les últimes décades na xeografía y na hestoria tienen pal conxuntu de la sociedá asturiana, asina como se tentará d’analizar la xenealoxía hestórica, económica y antropolóxica d’esos cambios.

Too ello enxertáu nun analís de la conformación del paisaxe asturianu como una consecuencia d’un procesu d’antropización dende unos presupuestos culturales, económicos y sociales concrretos, que fonon a modelar la xeografía asturiana talamiente como la conocemos anguaño. Asina mesmo, rescamplarase la potencia d’esi paisaxe como un activu económicu de futuru.

PROGRAMA

SÁBADU 22 de payares:

9,30 h Almuerzu.
10,00 h Acoyida de los participantes y entrega de material.
10,30 h Presentación del Seminariu y actu d’inauguración.
11,00 h. “Asturies, territoriu desartiticuláu: desorganizaciones, desmantelamientos, desconciertos”.

Xosé Nel Riesgo. Xeógrafu y técnicu el desarrollu local. Fundación Belenos.
12,30 h Pausa
13,00 h. "El monte asturianu: de los usos tradicionales a los abusos d’anguaño”.

Alberto Fidalgo López. Inxenieru de montes.
14,30 h Xinta
16,30 h “El feismu y la movilidá sobremoderna na aldea asturiana”

Xuan Pedrayes Obaya . Arquitectu
18,00 h Pausa
18,30 h "El valir económiu del paisaxe asturianu. Les infraestructures ya’l so impactu nel territoriu ”

José Alba. Economista. Universidá d’Uviéu
21,30 h Cena
23,30 h Filandón. Fiesta asturiana de nueite. Café Centro. La Puela

En collaboración cola Banda de Gaitas el Rapigueiro ya la Xunta pola Defensa de la L.lingua Asturiana nel Suroccidente.


DOMINGU, 23 de payares.

10,00 h Almuerzu
10,30 h Proyección del documental “Paraiso Industrial”, de Conchi Rodríguez y Kela Coto.
12, 00 h

Mesa reonda: “El paisaxe asturianu como activu de desarrollu y futuru”.

Modera: Ignaciu Llope. Fundación Belenos.
Participen:

  • Enrique López de Turiso. SOS Cuideiru.
  • Txomin Goñi Tirapu. Presidente de l’Agrupación de Colectivos Asturianos (ACA).
  • José Alba. Economista.
  • Xuan Pedrayes. Arquitectu.
  • Conchi Rodríguez. Directora de cine.
  • Xosé Nel Riesgo. Xeógrafu. Fundación Belenos.
14.00 h Piesllu
14,30 h Xinta

INSCRIPCIONES:
Númberu de places: 40.
Plazu de matriculación fasta’l miércoles 16 payares.
Preciu de matrícula: 40 €.
La matriculación considerárase fecha namái que col ingresu na cuenta del preciu de matrícula.
FUNDACIÓN BELENOS: Cuenta 2048-0000-26-0340123307
Agospiu opcional en réxime de pensión completa na “Nueva Allandesa”.
Preciu por persona: 60 € (dende la xinta del sábadu a la xinta’l domingu too incluyíu dafechu).
La reserva queda afitada namái col ingresu na cuenta de la Fundación Belenos.

Contautos y comunicaciones:

Contautu o nos númberos 985 24 48 11- 616 24 23 19